Иске Алпарда төн уртасында янгын чыккан

 Ут бүрәне мунчаны юк иткән. Бәхеткә, янгында һәлак булучылар һәм имгәнүчеләр юк, күрше корылмаларга уттан зыян килмәгән.

Фаҗигагә китергән сәбәп – җылыту мичен кулланганда янгын куркынычсызлыгы таләпләрен үтәмәү.

Шәхси йортларда һәм ишегалды корылмаларында янгын чыгуларны булдырмау максатыннан, янгын күзәтчелегенең Әлки һәм Спас районнары буенча инспекторы Рәдис Инспапов районыбыз кешеләрен җылыту мичләрен һәм электр җайланмаларны кулланганда, янгын куркынычсызлыгы таләпләрен тиешенчә үтәргә чакыра.