Борискинода чын осталар яши

 Чөнки әлеге җирлектә яшәүчеләр барлык са­лымнарын тулысын­ча түләп бетергәннәр. Җир, милек, транспорт салымнары буенча бу­рычлары юк аларның. Бу турыда Борискинода һәм Иске Әнҗерәдә уз­ган җыеннарда җирлек башлыгы Галина Сама­рина хәбәр итте. Халык белән очрашуга район җитәкчесе Александр Никошин да килгән иде.

Борискино – чын оста­лар авылы. Биредә әллә ничә төзелеш бригадасы бар. Егетләр районда гына түгел, Казан, Самара, Тольят­ти якларына да чыгып ки­теп объектлар төзиләр. Ты­рыш хезмәтләре белән алар гаиләләренә лаеклы тор­мыш шартлары булдыралар.

Төзүчеләрнең осталыгы авылда да күренә. Бориски­но урамнарында заманча иркен, затлы итеп төзелгән өйләр елдан-ел арта.

Хәер, җирлектә яшәүчеләр мал-туар асрап та мул тор­мыш белән яшәргә өйрәнеп җиткәннәр бугай. Әле 10- 15 ел элек кенә Борискино җирлегендә савым сыер­лары асраучылар күп түгел иде. Хәзер биредә 450 баш мөгезле эре терлек тотыла. Аларның 253 е савым сыер­лары.

Мәсәлән, Иске Әнҗерәдә Ф ә р г а т ь М ә х м ү т о в хуҗалыгында 20 савым сые­ры бар, Борискинода яшәүче Михаил Свежов һәм Виталий Самарин гаиләләре 13-15 әр баш сөтбикә асрыйлар. Ни­колай Самарин, Вячеслав Тутеров, Эргашбай Юсупов, Геннадий Бокарев, Евгений Арнаков, Надежда Зварич, Гүзәлия Харисова һәм тагын дистәләп авыл уңганнары шәхси хуҗалыкларында 5-8 әр баш сыер тоталар.

Алар маллар асрауда дәүләт ярдәменнән дә актив фай­даланалар. Республика про­граммасына таянып 9 гаилә субсидияләр алган һәм шәп итеп терлек абзарлары төзеп куйган. Тагын ике гаилә әлеге программа буенча ярдәм көтә. Хуҗалыклардан сөтне Илдар һәм Ришат Ну­руллиннар җыя, тапшырыл­ган продукция өчен вакы­тында исәп-хисап ясала. Был­тыр сөт тапшыручыларга 10 миллион сум акча таратыл­ган.

Шөкер, шәхси хуҗалыкларда сыерларны ясалма каплату эшен дә җайга салганнар. Моны Фәргать Мәхмүтов башкара. Терлек хуҗалары аның эшеннән канәгать.

Иске Әнҗерәдә яшәүчеләр үтенечен искә алып, үткән җәйдә авылда балалар өчен уен мәйданчыгы төзеп куй­ганнар. Моны үзара салым хисабына башкарганнар. Борискиноның Үзәк урамы­на җәю өчен вак таш сатып алганнар, бу юлны ныгытыр­га җыеналар. Иске Әнҗерәдә биш күпер бар, аларны даи­ми ремонтлап торалар.

Галина Самарина авыл тормышына кагылышлы мәсьәләләрне хәл иткәндә “ Б о р и с к и н о ” о т р я д ы җитәкчесе Петр Бокаревның нык булышуын әйтте, аңа рәхмәт белдерде. Авыл хал­кы үзе дә ярдәмчел биредә. Әйтик, Иске Әнҗерәдән Азат Садретдинов, Илшат Гатауллин үз машиналары белән урам юлларына ком ташыганнар. Константин Арнаков, Вячеслав Туте­ров, Сергей Ильичев, Ви­талий Смышляев Бориски­но зиратын карт агачлар­дан арындыруда зур ярдәм күрсәткәннәр.

Җирлектәге авыл урамна­рын кичләрен 300 ләп лам­па яктырта. Янганнарын да­ими алыштырып торалар, бусы да үзара салым хиса­бына эшләнә.

Агымдагы елга Борискино зиратында кирәк-яраклар кую өчен бина төзергә, авыллардагы су башнялары­на лицензия алырга, урам юлларын төзекләндерүне дәвам итәргә ниятләп то­ралар.

Авыл җирлеге башлыгының хисап докладын ике авыл­да да мәктәп директорлары чыгышлары тулыландырды. Борискино мәктәбе директо­ры Марат Сафин балалар­ны башка авыллардан йөртү өчен яңа автобуслы булула­рын шатланып хәбәр итте. Иске Әнҗерә мәктәбе дирек­торы Рәмзия Газизова як­ташлары Азат Мәҗитовның гел ярдәм итеп торуын сөйләде. Әле менә спорт залының тәрәзәләрен алыш­тыруда да булышкан авыл­дашлары. Бу эшкә ул 300 мең сум акча тоткан. Ә Яңа ел алдыннан мәктәп укучы­ларына һәм укытучыларга, авылда гомер итүче 68 пен­сионерга бәйрәм бүләкләре кайтарган игелекле якташла­ры. Соңрак район башлыгы Александр Никошин да Азат Мәҗитовның туган авылы Иске Әнҗерәне даими кай­гыртып, ярдәм итеп торуы хакында рәхмәт сүзләре белән әйтеп үтте.

Борискино авылында бер ханым программа нигезендә абзар төзүен әйтеп, суб­сидиясе азрак булды, дип зарланды. Аңа җавап итеп район авыл хуҗалыгы һәм азык-төлек идарәсе белге­че Фәрит Вәгыйзов:

–Программа нигезендә, маллар өчен абзар төзү чыгымнарының 70 про­ц е н т ы с у б с и д и я л ә н ә . Дәүләт ярдәмен сез нәкъ шул күләмдә алдыгыз,–дип аңлатты.

Иске Әнҗерәдә үткән җыенда озак еллар шофер булып эшләгән пенсионер Наил Фәсахов:

–Иске телефон баганала­ры авылның йөзен бозып тора. Шуларны алдырасы иде. Аннары, авылдан сигез бала Базарлы Матак һөнәр училищесында укый. Анда тулай торак юк. Бәлки ба­лаларны автобус белән йөртүне җайлап булыр,–дип мөрәҗәгать итте.

Александр Никошин аның чыгышын хуплады. Теле­фон баганаларын алдыру­ны оештыру өчен “Татте­леком” җитәкчелегенә хат юлларбыз, ә балаларны училищега йөртү хакында сөйләшүләр алып барыла инде, диде ул.