Иске Алпар җирлегендә тантаналы митинг үткәрелде

 Митингка килгән күпсанлы алпарлыларны җирлек башлыгы Ринас Сәлахов бәйрәм белән котлады. Тәбрикләүләргә район башлыгы урынбасары Рәшит Билалов та кушылды, ә авыл мәктәбе укучылары тирән эчтәлекле сәхнә күренеше тәкъдим иттеләр. 
Бәйрәм тантанасыннан соң авыл клубында башкаладан килгән артистлар Рөстәм Закиров, Люция Мусина, Рәсим Низамов, Айгөл Бариева алпарлыларга концерт күрсәттеләр. Тамашачыларны авылга кунакка кайткан  Татарстан Дәүләт Советы депутаты Альберт Мөхәммәтшин Җиңү бәйрәме белән кайнар котлады. Алпарлыларны сөендергән концертны оештыру да аның тырышлыгы нәтиҗәсе икән бит.