Коммуналь хезмәтләр күрсәтү предприятиесе буранлы көннәрдә ничек эшләгән?

- Безнең предприятие карлы-җилле көннәрдә дә гадәти режимда эшләде. Халыкны су белән тәэмин итүдә, безнең яктан бернинди өзеклек булмады. Шулай ук юынтык суларны чистарту җайланмасы даими эшләде. Килешүләр нигезендә без тәэмин итәргә тиешле биналарга җылылык җибәрү буенча да өзеклек килеп чыкмады. Коллектив буранлы көннәрдә тәүлек әйләнәсе эшләде, чөнки объектларга даими юлларны ачып тору соралды. Башлыча үз көчебез белән тиешле хезмәтне башкара алдык. Бары тик юынтык су чистарту корылмасына юллар ачканда өстәмә куәтле техника кырыйдан җәлеп иттек, - диде ул.