Әлки районы: эсседә корткычлар котыра

Хәзер хуҗалыкларда аларга каршы химик эшкәртүләр алып барыла. Районда 15 мең гектар мәйданда корткычларга һәм чүп үләннәргә каршы агу сиптерелгән. Бу эшләр иртә таңнан  һәм кичке сәгатьләрдә генә башкарыла.

Бер үк вакытта соңгы культуралар чәчелә. Көнбагыш орлыгы 11 мең гектарда җир куенына кертелгән. Аны тагын 600 гектарда чәчәсе калган. Силос өчен кукурузны 2 мең гектардан күбрәк мәйданда чәчәргә кирәк әле. Шулай ук карабодай тагын 1260 гектарда чәчелергә тиеш.

Хуҗалыкларда күпьеллык үләннән печән хәзерләү һәм сенаж салу эшләренә әзерлек бара.