Әлки районында хәзерләүләр конторасы ачылачак

 
Каргада соңгы 6-7 елда буш торган, элек балалар бакчасы, клуб сыйфатында файдаланылган зур гына бинада хәзерләүләр конторасы ачарга җыеналар. Биредә мөгезле эре терлек, сарык тиреләрен, сарык йоны, ит кабул ителәчәк. Тора-бара шушы бинада ярымфабрикатлар җитештерү дә планлаштырыла. Бинада ремонт эшләре инде төгәлләнгән, хәзер тирә-ягы төзекләндерелә, килү юллары ясала. 
Район халкы өчен бик тә кирәк булган хәзерләүләр конторасын “Эдем” җәмгыяте үз канаты астына алган.