Әлки районында үләт базлары бетерелә

Шәхси хуҗалыклардагы үлгән малларны исә җыеп, юк итү өчен Алабугадагы махсус предприятиегә  тапшыру оештырылачак.

Район ветеринария берләшмәсе җитәкчесе Камил Хәйруллин әйтүенчә, терлек үләксәләрен авыллардагы үләт базларына илтү тыелачак. Үлгән малларны җыю өчен районга инде махсус йөк машинасы кайткан. Терлеге үлсә, кеше бу хакта ветеринария участок пунктына хәбәр итәргә тиеш.

Алабугадагы заводта исә терлек үләксәләреннән авыл хуҗалыгында куллану өчен он ясалачак.