Әлки районында спортның су төрләре буенча фестиваль булды

ТАССР төзелүнең 100 еллыгына багышланган әлеге чараны район спорт мәктәбе оештырды. Ярышларда 60 тан артык йөзүче катнашты. Алар арасында бу спорт белән әле шөгыльләнә генә башлаучылар да, разрядлы йөзүчеләр дә бар иде. Кызлар һәм малайлар 4х50 эстафетасында көч сынаштылар. Татарстанның кызлар җыелма командасы (безнең “Актай” командасы) һәм “Актай” малайлар командасы арасында су полосы бәйгесе дә гаять киеренке (зрелищный) узды. Баштагы ике периодта кызлар оттырып килгәннәр иде, ә инде өченчесендә бөтен осталыкларын туплап алга чыктылар һәм матчны җиңү (14:11) белән төгәлләделәр.