Әлки районында Татар Борнае авылына кергәндә юл һәлакәте була

Нәтиҗәдә, тимер киртә йөртүче ягыннан үтеп кереп, машинаны үтәли тишә.  ЮХИДИның Әлки районы буенча бүлеге җитәкчесе вазыйфасын вакытлыча башкаручы, полиция капитаны Рәмзил Вәлиуллин хәбәр иткәнчә, бәхетле очраклылык нәтиҗәсендә йөртүченең иңбашы гына җәрәхәтләнә. Бүгенге көндә ул Чистай хастаханәсенең имгәнүчеләр бүлегендә дәвалана. Һәлакәтнең ни сәбәпле килеп чыгуын ачыклау өстендә эш бара. Йөртүченең исерек хәлдә булуы расланса, аңа җитди җәза бирү көтелә. Билгеле, аны эшендә дә мактамаслар.