Әлки районындагы “Теремкәй” балалар бакчасына йөрүче сабыйлар әти-әниләре белән бергә “Эко-яз” табигатьне саклау акциясендә катнашалар

Әлеге чара “Эко-яз” табигатьне саклау акциясе кысаларында “Бердәм Россия” партиясенең җирле бүлеге башлангычы белән оештырылды. Балалар белән экология дәресе дә үткәрелде. Анда табигатьне, нәни дусларыбыз кошларны саклау турында сүз барды. Бу эшләрдә тәрбияче Вера Герасимова зур активлык күрсәтте. Аның тәкъдиме белән  “Чиста парк” дигән чара да оештырылды. Әти-әниләр балалар белән бергә “Ана даны” паркын җыештырдылар, чүп-чардан арындырдылар.