Әлки Сабан туенда җиде бала үстерүче Кузнецовлар гаиләсе бүләкләнде

Кузнецовлар җиде бала – өч малай һәм дүрт кыз тәрбияләп үстерәләр. Олы кызлары Каринага 17 яшь, ул Казанда көллияттә белем ала. Ә төпчекләре Екатерина әле алты айлык кына. Уңган, тырыш бу гаиләне авылдашлары да хөрмәт итә. Кузнецовлар зур хуҗалык тоталар, кече ферма булдырып, анда сигез баш сыер асрыйлар. Хезмәтләре бәрабәренә җитешлектә яшәүче бу гаиләдә балалар да эшкә өйрәнеп үсә.

Алексей һәм Ирина Кузнецовларны район башкарма комитеты җитәкчесенең социаль мәсьәләләр буенча урынбасары Дарья Хәлилова котлады һәм Сабан туе бүләге тапшырды.