Әлкидә колбаса цехы ачылачак

Узган ел ахырында кооператив хәләл продукция җитештерү буенча ике сертификатка ия булган. Биредә халыктан терлек сатып алып, махсус сугым цехында эшкәртәләр. Аңардан ит эшләнмәләре – пилмән, голубцы, башка ярымфабрикатлар ясап, кооператив кибетләренә сатуга чыгаралар.  

Быел кооператив хәләл колбаса җитештерү цехы ачарга җыена. Бу өстәмә эш урыннары булачак дигән сүз. Предприятие киңәйгән саен салым түләү дә арта бара. 2020 елда кооператив район бюджетына 2 миллион сумнан артык төрле салымнар күчергән.