Әлки районы: малларга азык сатып алу өчен субсидия бирәләр

Авыл җирлеге башкарма комитеты секретаре Илзия Вәлиуллина әйтүенә караганда, тиешле документларны авыл халкы төгәл һәм вакытында тапшырган. Әлегә сыерлар һәм кәҗәләр өчен акча күчерелгән. Бер сыер асраучылар азык сатып алу өчен 2300 сум, ике сыерга – 3300әр, өч һәм аннан күбрәк сөтбикә тотучылар 4300 әр сум акча алган. Ә кәҗә асраучыларга 500 әр сум бирелгән. 

Хәзер ат асраучыларга азык сатып алуга субсидия өчен документлар җыю башланган. Чуаш Кичүе җирлегендә 11 бия исәптә тора. Хуҗаларына нинди документлар тапшыру кирәклеге хакында алдан әйтеп куелган.