“Никах” китабы  Әлки кибетләренә чыга

Китап “Казан утлары” журналының китапханә сериясе” проекты нигезендә басылган. Әлеге сериядә Нәбирә Гыйматдинованың “Уйламаган көнем юк”, Марат Кәбировның “Киллер” китаплары дөнья күргән иде. Алар район сәүдә нокталарында сатылды. Инде “Никах” китабы сатуга кайтты.

Бу повесть чынбарлыкка нигезләнеп язылган. Авторы Хисаметдин Исмәгыйлев үзе дә Әфганстанда солдат хезмәте үткән. Әсәрнең герое дошманнарга әсирлеккә эләгә. Исән калу өчен совет солдаты әфган кызына өйләнә. Аннан соң егет кача. Еллар үткәч аның элекке хатыны рэкетчыга әверелә. Бик тә мавыктыргыч сюжет. Китапны сәүдә нокталарыннан сорагыз.