Сихтермә-Хузангай авылында яшәүче Римма Ивановна Горшковага 90 яшь тулды

Россия Президенты Владимир Путинның котлау телеграммасын район башлыгы урынбасары Рәшит Билалов  һәм Иске Кората авыл җирлеге башлыгы Иван Кудряшов тапшырдылар. Юбилярга илебез Президенты котлау-теләкләре язылган телеграмма белән бергә истәлекле бүләк тә тапшырылды.

Россия Федерациясе  Дәүләт Думасы депутаты Олег Морозов та Римма Горшковага котлауларын юллаган. Депутат ярдәмчесе, Базарлы Матак мәктәбе директоры Луиза Абдрахманова аңа теләкләр язылган открытканы һәм кыйммәтле бүләкне тапшырды.

Луиза Заһидулла кызы Римма Ивановна олы яшьтә булуына карамастан, бик пөхтә яши, дип безнең белән уртаклашты. Римма Горшковага озак еллар шулай саулыкта яшәргә насыйп булсын иде.