Коткаручылар бүләкләнде

Район янгын сүндерү-коткару гарнизоны хезмәткәрләре Тәлгать Гайфуллин, Олег Юдаев, Михаил Гнеденков, Рәис Зыятдинов хезмәттәге югары күрсәткечләре өчен "25 лет МЧС России" медале белән бүләкләнделәр.

Медальләрне аларга гарнизонның узган елгы эшчәнлек йомгакларына багышланган җыелышында Татарстан буенча Гадәттән тыш хәлләр министры урынбасары Илһам Насыйбуллин тапшырды.

Хезмәт вазыйфаларын намус белән башкарулары һәм профессиональлек өчен 105 нче янгын сүндерү-коткару часте начальнигы Вячеслав Шалдымов, хезмәткәрләр Алмаз Җангиров һәм Рәшит Вәгыйзов район башлыгының Рәхмәт хатына ия булдылар.