14 яше тулган әлкилеләргә паспорт тапшырылды
Базарлы Матак урта мәктәбе һәм Нәби Дәүли исемендәге гимназиянең яңа гына 14 яше тулган укучыларына гражданлык паспортын да гомергә истә калырлык итеп тапшырдылар.
Россия күләмендә Космос атналыгы барган бу көннәрдә әлеге укучыларны С. М. Лисенков исемендәге музейга җыйдылар.
Әлки районы эчке эшләр бүлекчәсенең миграция пункты җитәкчесе Ләйсән Миндубаева, “Алдынгылар хәрәкәте”нең район бүлеге җитәкчесе Анна Вассуновалар яшүсмерләрне кайнар котлап, кул кысып, паспорт алулары белән тәбрикләде. Россия гражданины исеменә лаек булган егет-кызлар илебезнең галәм киңлекләренә кагылышлы истәлекләрне, тарихи вакыйгаларны да барлады. Монда аларга музей директоры вазифаларын да башкаручы экскурсовод Гөлсинә Гәрәева ярдәм итте.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев