Яңа Әнҗерә поселогында “Алексеевскдорстрой”ның куәтле экскаваторлары ике күлне чистартуга кереште

Өлкәннәр әйтүенчә, Яңа Әнҗерә авылына зур күлләре булганга шушы урында нигез салынган. 1920 нче еллар уртасында бирегә халык күчеп килгән. Алар зур-зур күлләрдә юкә батыра булганнар. Ә урман бит инде һәр яктан авылга авып диярлек тора.

Еллар үткәч күлләр саеккан, сусыз калган. Поселок халкы шул күлләрне чистартуда ярдәм сорап депутатыбыз, "Алексеевскдорстрой" җитәкчесе Фоат Вәлиевка мөрәҗәгать итә. Депутат якташыбыз әлеге гозерне игътибарсыз калдырмый. Озакламый биредә эш башлана да. Дөрес, җирнең туңып җитмәве тулы куәткә эшләргә комачаулый. Әмма юлчылар авылның ике күлен дә тиешенчә чистартырга ышандыралар.