Әлки районында автомобиль һәләкәтендә ике хатын-кыз үлде

Бүген, 20 апрельдә, көн уртасында Урта Әлки яныннан үтүче олы юлда автомобиль һәләкәте булды. Рено-сандеро җиңел автомобиле йөртүче 1990 елгы хатын-кыз идарә итүне югалтып каршы килүче КамАЗ - кран машинасына бәрелә.

Җиңел автомобильне йөртүче хатын-кыз һәм аның пассажир хатын-кыз ашыгыч ярдәм машинасы килеп җиткәнче урында җан бирәләр. Аларның гәүдәләрен каты җәнчелүләр алган автомобилдән гадәттән тыш хәлләр хезмәте егетләре генә алалды. Әлеге авыр һәләкәт буенча тикшерү эшләре бара диде Әлки ЮХИДИ бүлеге җитәкчесе Олег Анжаков.