Әлки районында ике чыгарылыш сыйныф укучылары БДИда 100 әр балл җыйды

2023 елда 9 нчы сыйныфны 198 чыгарылыш сыйныф укучысы тәмамлады. 8 укучының аттестантында “бишле”ләр генә. Математика, биология, география, туган тел һәм җәмгыять белеме кебек фәннәрдән район буенча уртача билге республиканыкыннан югары, ә рус теле, химия, информатика, тарих һәм физикадан түбән.

11 сыйныфны тәмамлаучылар – 62 укучы. Профильле математика, тарих, әдәбият буенча балларны чагыштырганда, ул республиканың уртача күрсәткеченнән югарырак, ә 7 фән (рус теле, информатика, биология, химия, җәмгыять белеме, инглиз теле, төп математика) буенча түбәнрәк. 1 чыгарылыш сыйныф укучысы математика буенча иң түбән чикне үтә алмады, ул әлеге фәнне сентярбь аенда тапшырачак. 

Кайбер фәннәр: рус теле (18% тан 21% ка кадәр), математика (3,1 % тан 18%), җәмгыять белеме (8,6 % тан 20,8 %), әдәбият буенча югары балл алучылар исәбе артты. Югары балл алучылар аеруча Базарлы Матак, Иске Матак мәктәпләреннән күп. Ике чыгарылыш сыйныф укучылары – Евгения Борисова һәм Виктория Лукояновалар әдәбияттан 100 әр балл җыйды. Виктория әле “Күптән вакыт үтсә дә” Бөтенроссия бәйгесенең республика этабын үтеп, безнең төбәкне Мәскәүдә тәкъдим итте һәм анда җиңү яулады.