Әлки районында такси йөртүчеләре тикшерелде

Кайберәүләр, тиешле рөхсәтне алмыйча һәм такси машинасына танытучы билгеләрне куймыйча, “легаль” булмаган йөртүчеләр сафына баса.

Таксида кешеләрне йөрткәндә, Федераль канунны бозу очракларын булдырмауны максат итеп, 23 июльдән 1 августка кадәр Әлки районында “Такси” оператив- профилактик чарасы үтте. 

Аның кысасында районның дәүләт автоинспекциясе хезмәткәрләре рейд белән юлларга чыкты, шулай ук такси йөртүчеләре арасында юл хәрәкәте кагыйдәләрен үтәргә кирәклеге турында аңлату эшләре алып барды. 

Барлыгы 40 транспорт чарасы тикшерелде, шуларның 25 е – такси хезмәтен башкаручы җиңел машиналар, 15 е – аз урынлы автобуслар.
5 йөртүче административ җаваплылыкка тартылган, шул исәптән аларның 2се транспорт чарасына санкцияләнмәгән үзгәрешләр керткән, 3 се рульдә техник тикшерү үтмичә барган. 
Рәмзил Вәлиуллин, ЮХИДИнең Әлки районы бүлеге җитәкчесе, полиция майоры.