“Әлки хәбәрләре” газетасы редакциясе филиалы җитәкчесе Азат Низамиевка “Фидакарь хезмәт өчен” медале тапшырылды

Татарстан Республикасы Рәисе  Рөстәм Миңнеханов кул куйган Указга: “Күпьеллык нәтиҗәле хезмәтләре һәм массакүләм  мәгълүмат чараларын үстергүгә зур өлеш кертүләре өчен” диелгән.

Татарстан Республикасы Премьер-министры урынбасары Ләйлә Фазлыева бүләкне тапшырганда: “Күпьеллык намуслы хезмәтегез өчен зур рәхмәт сезгә”, диде.

Азат Низамиев хезмәт юлын 1981 елда “Коммунизм юлы” газетасында әдәби хезмәткәр буларак башлый. 2000 елдан “Әлки хәбәрләре” район газетасына баш мөхәррир итеп билгеләнә.

2019 елда аңа “Татарстан Республикасының атказанган матбугат һәм массакүләм коммуникацияләр хезмәткәре” исеме бирелгән иде.