Апас районыннан МХОдә катнашучыга генерал-майор исеме бирелде

Махсус хәрби операциядә катнашучы, Апас районының Азбаба авылында туып үскән Зөлфәт Нигъмәтҗановка генерал-майор дигән югары хәрби исем бирелде.

Бу вакыйга аның кече Ватаны һәм, әлбәттә, әти-әнисе – Наил абый һәм Гөлирам апа Нигъмәтҗановлар өчен аеруча горурлык булды.

Апас муниципаль районы башлыгы Айрат Җиһаншин якташын әлеге исем бирелү белән котлады, бу уңышның хәрби хезмәткәрнең үзенә дә, бөтен район өчен дә әһәмиятен билгеләп үтте.