Әхмәт авылында яшәүче Зөлфия Вәлиуллина сугышчы ир-егетләребезгә дип 60 мең сум акча тапшырды

Өч ел дәвамында күп тап­кырлар гуманитар йөк оза­тылды. Анда районыбызда­гы һәрбер кешенең катнашы бар. Әлкилеләр хәлләреннән килгәнчә ярдәм итәргә ты­рыша. Әмма әйтергә кирәк: берьюлы шундый зур сумма акча бирүче булдымы икән?! Бу изге адымын якташыбыз болай аңлатты:

–.Моннан алты ел элек улым Наил фаҗигале төстә һәлак булды. Шул еллардан бирле, аның рухы шат бул­сын дип, ирем Рамил белән изгелек эшләргә тырышабыз. Махсус хәрби операция баш­ланып, гуманитар ярдәм җыю игълан ителгәч тә, сарык суеп, район мәдәният йор­тына китергән идек, – диде ул, яшьле күзләрен сөртеп.

Авылда фронттагы ир- егетләргә берәр ярдәм акци­ясе оештырылса да, Зөлфия апа һәркайсында катнаша икән.

–.Мондый эш буен­ч а җ ы е л у к и р ә к л е г е әйтелсә, мәдәният йортына беренчеләрдән булып киләм. Яшеренү челтәрләрен дә үрдем, токмачын да кистем, – дип сүзен дәвам итте ул.

Ә ни өчен шулкадәр сум­ма, дигәнгә, ул болай диде:

–.Киләсе елның май аен­да миңа 60 яшь тула, шуңа – 60 мең сум. Юбилеемны бәйрәм итмим, мәҗлес тә ясамаячакмын. Җырчыга, тамадага дигән акчаны мах­сус хәрби операциядәге ир- егетләребез өчен бирәм. Әйе, туган көнем яз аен­да гына. Әмма ярдәм хәзер кирәк дип уйлыйм, шуңа ак­чаны бүген бирәм, – диде.

Зөлфия апаның бу изге адымга баруының тагын бер сәбәбе бар икән:

–.27 сентябрьдә оныгым Камилгә 18 яшь тулды. Ул армия хезмәтенә барам дип тора. Әмма бу балалар, яшь буын сугышны күрмәсен иде. Безнең барыбызның да ярдәме белән хәрби хезмәткәрләребез Җиңүгә ирешеп, илдә тынычлык ур­нашсын иде, – дип, теләкләрен ирештерде ул.

А к ч а н ы З ө л ф и я В ә л и у л л и н а р а й о н администрациясендә мах­ сус хәрби операция ветера­ны Сергей Гнеденковка тап­шырды.

–.Акчага сугышчыларыбыз өчен бүгенге көндә кирәкле әйберләр: йоклау капчыкла­ры һәм газ баллоннары са­тып алачакбыз. Гуманитар йөк исә октябрь башында озатылыр дип ниятләнелә, – диде элеккеге хәрби хезмәткәр.