“Ел тәрбиячесе – 2025” республика конкурсында Әлки райны педагоглары катнашты

Үзләренең һөнәри осталыкларын күрсәтергә Әлки, Алексеевск һәм Спас районнарының иң яхшы педагоглары җыелды. 

Безнең районнан әлеге бәйгенең муниципаль этабында җиңүчеләр – Базарлы Матак балалар бакчалары тәрбиячеләре Елена Соловьева (“Каенкай”), Рәсимә Гыйлаҗева (“Каенкай”) һәм Алия Фәсаховалар (“Ромашка”) чыгыш ясады. 

Конкурста катнашучылар балалар белән дәресләр үткәрделәр, үз эшләренә анализ ясадылар, белемнәрен, эшчәнлекнең төрле юнәлешләрендәге осталыкларын күрсәттеләр, эш тәҗрибәсе белән уртаклаштылар.

Мәктәпкәчә белем бирү өлкәсенең иң яхшы педагогларын район башкарма комитеты җитәкчесенең социаль мәсьәләләр буенча урынбасары Мария Платонова һәм район мәгариф идарәсе җитәкчесе Сурия Вәлиева сәламләде. 

Эшләрне дәрәҗәле жюри – республиканың Мәгариф һәм фән министрлыгы һәм Казан педагогика көллияте вәкилләре бәяләде. Барлык тәрбиячеләр дә катнашучы сертификаты белән бүләкләнде.