Февраль аенда кемнәргә хезмәт хакы артып киләчәк?
Татарстанның кайбер хезмәткәрләре февраль өчен хезмәт хакын арттырып алачак. Өстәмә түләүгә кемнәр өмет итә ала?
Февраль аенда бишкөнлек эш атнасында өстәмә ял көне бар иде – Ватанны саклаучылар көне. Әмма барсы да ял итмәгән: сменалы графикта эшләүчеләр, шулай ук бәйрәм көнендә эшкә чыккан хезмәткәрләр 23 февральдә эшләгән.
Хезмәт кодексы буенча, рәсми бәйрәм көнендә эшләү икеләтә түләнә. 23 февраль эшсез бәйрәм көннәре исемлегенә кергәнгә, бу көндә эшләнгән вакыт икеләтә күләмдә түләнергә тиеш.
Әгәр хезмәткәр бәйрәм көнендә тулы смена түгел, ә берничә сәгать кенә эшләсә дә, яңадан исәпләү башкарылачак. Фактик эшләнгән вакыт икеләтә тариф буенча түләнә.
Арттырылган түләүне республика халкы февраль өчен хезмәт хакы исәпләгәндә – март башында күрәчәк.
Чыганак: «Татар-информ»
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев