Лиана Мәрдегалләмова Халыкара күргәзмә-бәйгесендә җиңү яулады

Лиананың “Кояшлы  җил” эше “Авангард рәсем сәнгате” номинациясендә иң яхшысы дип табылды. 

Югары уку йортына укырга кергәнче, ул районның балалар иҗат йортында шөгыльләнгән иде. Бик тә тырыш һәм сәләтле кызның эшләре төрле республика һәм Россия бәйгеләрендә җиңүләр яулады. Узган ел Лиана КФУның “КамАЗ” заводы белән бергә тәкъдим иткән “Татарстанның алдынгы инженер мәктәбе” грантына ия булды. 

Шатлыклы хәбәрләр белән аның остазы һәм район Балалар иҗат йортындагы яраткан рәсем укытучысы Гөлфия Билалова уртаклашты.