Әлки районы “Ак калфак” иҗтимагый оешмасы җитәкчесе сайланды

Район “Ак калфак” оешмасы соңгы вакытта җитәкчесез калган иде. Бөтендөнья татар конгрессы җирле бүлеге утырышында бүген әлеге мәсьәлә каралды. Анда район башлыгы урынбасары Рәшит Билалов катнашты. Илһамия Әбҗәббарованың югары оештыру сәләтенә ия, милләт җанлы, тынгысыз җитәкче булуын ассызыкладылар һәм аңа бу җаваплы вазыйфаны ышанып тапшырырга дигән бердәм карарга килделәр. “Ак калфак” оешмасының активы да сайланды. Киләсе утырышта аккалфаклылар алдагы елга эш планы кабул итәргә җыеналар.