Әлки районы: эшмәкәрләр өчен уңайлык тудыручы “ФАСТТРЕК.РФ” порталы эшләнде.

Россия өчен уникаль булган әлеге күп функцияле цифрлы платформаны республика Президенты Рөстәм Миңнеханов презентацияләде. Бу портал аша ярдәм чаралары алу ике тапкыр тизрәк башкарыла. Заявканы карау статусын шәхси кабинетта онлайн режимда күзәтергә була. Бөтен документлар пакеты һәм заявка әлеге порталга электрон форматта кертелә. 2019 ел азагына кадәр портал аша Татарстан эшмәкәрләре арасында аеруча популяр ярдәм чараларын алырга мөмкин булачак. Ә 2020 ел дәвамында 40 тан артык ярдәм чарасын файдалану мөмкинлеге туачак.