Әлки хәбәрләре
  • Рус Тат
  • Урып-җыю ахырына якынлаша

    Районда бөртеклеләр игелгән барлык мәйданнарның 80 процентында игеннәр суктырып алынды. Уртача уңыш гектардан 18,9 центнер тәшкил итә.

    "Кызыл Шәрык-Агро"да һәм "Хузангай" кооперативында 3 әр мең гектарда игеннәрне җыеп аласы калды. Бу бездәге комбайн паркын тулы куәткә эшләткәндә 5-6 көнлек хезмәт дигән сүз.

    Хәер, хузангайлылар быелгы уракны 10 августка ук төгәлләү бурычын куйдылар һәм шуңа омтылып эшлиләр дә. Ә "Кызыл Шәрык-Агро" 15 августка урып-җыю эшләрен тәмамларга җыена.

    10 августтан район механизаторлары арыш чәчүгә төшәчәкләр, 15 августта исә уҗым бодае чәчүгә керешергә ниятләре. Көзге культуралар чәчү срогы 5 сентябрьгә кадәр. Бу вакытка игенчеләребез 25,6 мең гектарда уҗым культуралары чәчәргә планлаштыралар.

    Теги: Жатва
    Нравится
    Поделиться:
    Реклама
    Комментарии (0)
    Осталось символов: