Әлки хәбәрләре

Әлки районы

18+
Рус Тат
2024 - Гаилә елы
Көн темасы

Бюджет үтәлеше тикшерелде

15 майда муниципаль район советының егерме өченче утырышы булды. Аны район советы рәисе Фердинат Дәүләтшин алып барды. Утырыш эшендә Татарстан Дәүләт Советы депутаты, Дәүләт Советының дәүләт төзелеше һәм җирле үзидарә комитеты рәисе Валентина Липужина катнашты.

Район советы утырышының көн тәртибенә түбәндәге мәсьәләләр кертелде:
1.Районның 2012 ел бюджеты үтәлеше турында.
2.Районның 2013 ел бюджетына үзгәрешләр кертү турында.
3.Районның "2014-2017 елларга һәм 2020 елга кадәр чорга авыл хуҗалыгы территорияләренең тотрыклы үсеше" максатчан программасы турында.
4.Районда 2013-2015 елларга кече һәм урта эшмәкәрлекне үстерү һәм ярдәм программасы турында.
5.Әлки муниципаль районы халкына сәүдә, җәмәгать туклануы, көнкүреш хезмәте күрсәтү буенча 2013-2015 елларга озакка сузылган максатчан программа турында.
6."Әлки муниципаль районы авыл яшьләре 2013-2015 елларда" озакка сузылган максатчан программасы турында.
7.Административ хокук бозулар турында беркетмәләр төзергә вәкаләтле вазыйфаи затларның исемлеге турында.
8."Дәүләт вазыйфаларын биләүче затларның һәм бүтән затларның чыгымнарының керемнәренә туры килүенә контрольлек итү турында" Федераль законы кабул ителү белән бәйле рәвештә муниципаль район советының 2012 елның 17 сентябреннән "Әлки муниципаль районында муниципаль хезмәт турында Положениене раслау турында" 50 нче карарына үзгәрешләр кертү турында.
9."Әлки муниципаль районы" муниципаль берлегендә муниципаль хезмәт вазыйфаларын һәм муниципаль вазыйфаларны биләүгә дәгъвалаучы гражданнарның үз милекләре, милек характерындагы бурычлары турындагы мәгълүматлар тапшыруы, шулай ук муниципаль хезмәткәрләрнең һәм муниципаль вазыйфаларны биләүче затларның керемнәре, чыгымнары, милекләре, милек характерындагы бурычлары турындагы мәгълүматларны тапшыруы турындагы Положение турында.
10.Районда мәетләрне җирләү урыннарын карап тору кагыйдәләре турында.
11.Муниципаль район советының "Ерактагы авыл торак пунктларына беренче кирәк-ярак товарларны китерүче кулланучылар кооперациясе педприятиеләренә Әлки муниципаль районы бюджетыннан субсидияләр бирү кагыйдәләрен раслау турында" 16 нчы карарына (2012 ел, 14 февраль) үзгәрешләр кертү турында.
12.Район советының штатлар структурасына үзгәрешләр кертү турында.
13. Район финанс-бюджет палатасының штатлар структурасына үзгәрешләр кертү турында.
Көн тәртибендәге беренче һәм икенче мәсьәләләр буенча район финанс-бюджет палатасы рәисе Илгиз Габидуллин чыгыш ясады.
Өченче, дүртенче, бишенче мәсьәләләр буенча депутатлар район башкарма комитетының территориаль үсеш бүлеге начальнигы Людмила Иванова мәгълүматларын тыңладылар. Көн тәртибендәге алтынчы мәсьәлә буенча яшьләр эшләре һәм спорт бүлеге начальнигы Раил Гатауллин чыгыш ясады.
Административ хокук бозулар турында беркетмәләр төзергә вәкаләтле вазыйфаи затлар исемлеге белән район башлыгының коррупциягә каршы тору мәсьәләләре буенча ярдәмчесе Ольга Куракова таныштырды.
Көн тәртибендәге сигезенче, тугызынчы мәсьәләләр буенча утырышта район советының оештыру бүлеге начальнигы урынбасары Люция Сөләйманова мәгълүматлары тыңланды.
Районда мәетләрне җирләү урыннарын карап тору кагыйдәләре турында район башкарма комитетының инфраструктур үсеш бүлеге начальнигы Әсхәт Гарипов чыгыш ясады. Калган мәсьәләләр буенча район советының юридик бүлеге начальнигы Рузия Гарипова мәгълүматлары тыңланды.
Аннан соң депутатлар алдында Республика Дәүләт Советы депутаты Валентина Липужина чыгыш ясады. Валентина Николаевна шулай ук бер төркем әлкилеләргә республика Дәүләт Советы рәисенең Рәхмәт хатларын тапшырды.

Следите за самым важным и интересным в Telegram-каналеТатмедиа


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев