Әлки хәбәрләре
  • Рус Тат
  • Әлки районында “социаль такси” эше әйбәт оештырылган

    ​​​​​​​Бу көннәрдә без хатыным Екатерина Федоровна, шулай ук авылдашларыбыз Рәйсә Гыйнанова, Талия Шакирова белән Базарлы Матак район үзәк хастаханәсендә  диспансеризация үттек.

      Безне алырга махсус автомобиль килде, тышта 30 градуслы суык булуга карамастан, машинада җылы, рәхәт иде. Табиб Аэлита Гыйниятуллина барыбызны да игътибар белән карады, зарларыбызны тыңлады, киңәшләр бирде, дәвалау билгеләде. Шәфкать туташы Гөлнара Вәлиева безне барлык кабинетларга йөртте. Шулай итеп, өч сәгать эчендә без диспансеризацияне үттек тә. Аннан соң “социаль такси” безне янәдән Каргага китереп куйды.

    “Демография” милли проектының “Өлкән буын” программасы нигезендә шул рәвешле авыл халкының сәламәтлеген кайгырту мөмкинлеге туды. Безгә шулай хезмәт күрсәтүне оештырган өчен рәхмәттән башка сүз юк.

    Әсхәт Гәрәев,

    хәрби пенсионер.

    Реклама

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: