Бүген сөекле әниебез Хафизова Люция Кәмил кызының 50 яшьлек юбилее

Базарлы Матакта яшәүче иң якын, иң хөрмәтле кешебез - сөекле әниебез Хафизова Люция Кәмил кызының 6 апрельдә 50 яшьлек юбилее. Әниебез безнең өчен бердәнбер, иң кадерле, олы зат. Әтиебез белән безне үстергән, аякка бастырган, борчылган, күпме куанычлар, бәхетләр кичергән кеше. Ул - һәр көнне күңел җылылыгы бирүче, киләчәккә өмет, ныклык, таяныч булучы үрнәк. Ул - бар туганнарны, балаларны, кияү-оныкларны бер түгәрәк өстәл янына туплаучы. Кечкенәдән әти назын да тоя алмыйча, ятимлектә үсә. Язмыш сынауларына карамастан, әниебез сынмаган, сыгылмаган. Әни, күр син, янәшәңдә нинди хөрмәт, дәрәҗә хөкем сөрә. Болар барысы да - синең тырышлык, хезмәт, сабырлык нәтиҗәсе! Әни! Сиңа киләчәгеңнең бүгенгедән дә матуррак, бүгенгедән дә бәхетлерәк булуын телибез. Бар хыялларың тормышка ашсын, әти янәшәсендә саулыкта, байлыкта озын гомер кичерергә язсын!