Әлки хәбәрләре

Әлки районы

Рус Тат
Спорт

«Авыл яшьләре» – район чемпионы

Волейбол буенча үткән елның октябрендә башланып киткән район чемпионаты ахырына якынлашты. 8 Март бәйрәме алдыннан булган финал ярышларында хатын-кызлар командалары арасында җиңүчеләр инде ачыкланды да.

Биш ай дәвамында авыл җирлекләрендә һәм Балалар иҗаты йорты спорт залында 20 хатын-кызлар командасы иң осталарны ачыклау өчен меңнән артык уен үткәрделәр. Алар арасыннан 4 команда уеннан уенга үзләренең иң көчлеләр булуын күрсәтте. Һәм менә 7 мартта әлеге командалар - "Авыл яшьләре" (Базарлы Матак авыл җирлеге), "Медик" (район үзәк хастаханәсе), "Альянс" (Н.Дәүли исем. гимназия), "Гранит" (район башкарма комитеты) - җиңүчене ачыклау өчен финал уеннарына җыелды.
Матчлар Балалар иҗаты йорты спорт залында узды. Өченче урын өчен узган сезонның көмеш призеры "Альянс" һәм "Гранит" командалары көрәште. Уен "Альянс" файдасына 3:0 исәбе белән төгәлләнде.
Беренче-икенче урыннар өчен дә көрәш киеренке барды. Монда гамәлдәге чемпион, ике мәртәбә җиңүче кубогына ия булган "Авыл яшьләре" һәм "Медик" командалары очрашты. Матч "Авыл яшьләре" командасы файдасына 3:1 исәбе белән төгәлләнде.
Шулай итеп, Базарлы Матак авыл җирлегенең "Авыл яшьләре" хатын-кызлар командасы бу сезонда да волейбол буенча район чемпионы булды. Ул өченче мәртәбә күчмә кубок белән бүләкләнде. Волейбол чемпионаты положениесе нигезендә, кубок хәзер гомерлеккә аларда калачак.
Икенче урында - "Медик", өченче - "Альянс", дүртенче - "Гранит" командасы. Юлия Егорова ("Авыл яшьләре"), Юлия Скворцова ("Медик"), Гөлсинә Сабирова ("Альянс") һәм Ольга Куракова ("Гранит") иң оста уенчылар дип табылды.

Реклама

Следите за самым важным и интересным в Telegram-каналеТатмедиа

Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

Теги: Чемпион