Су полосы буенча Россия беренчелегендә Айгөл Гарипова турнирның иң яхшы уенчысы дип табылды

 
Аның уенын Россия Федерациясенең атказанган тренеры Михаил Накоряков югары бәяләде. Ул аңа “Яхшы уенчы”  һәм “Турнирның их яхшы бомбардиры” бүләкләрен бирде. Шулай ук ул Айгөлне берничә тапкыр Дөнья, Европа һәм Россия чемпионы булган, дөньякүләм дәрәҗәдәге “Динамо-Уралочка” командасында уйнарга да чакырды. 
Безнең спорт мәктәбендә тренер Александр Георгадзеда шөгыльләнүче менә инде икенче кыз су полосы белгечләреннән югары бәя ала. 
Узган ел ярышлары нәтиҗәләре буенча Базарлы Матакта яшәүче Илүзә Хәйруллина Мәскәүдән чакыру алды. Сентябрь аеннан ул Мәскәү өлкәсендәге Руза шәһәренең Олимпия резервы училищесында укый һәм шөгыльләнә. 
Без яшь якташларыбыз белән горурланабыз! Аларның күпсанлы җиңүләр яулавын телибез! Әлки районында су полосы һәм йөзү буенча әле чемпионнар күп булыр дип өметләнәбез.