Мәңгелек ут

Дөрли дә,очкынлап, тирәндә,
Ялмый ул бар тәнне, күңелне.
Бу ялкын сугыштан кайтмаган
Солдатның хисләре түгелме?

Күңелдән һич китми, яңара
Дәһшәтле сугышың ярасы.
Ил данын сакларга озаткан
Балалар - йөрәкнең парәсе.

Көткәннәр, аналар өзелеп,
Алмыйча юллардан күзләрен.
Хатларга язганнар "Исән бул!"
Теләген, сагыну сүзләрен.

Шуңа да һич сүнми мәйданда
Мәңгелек хәтер ул - янган ут.
Юлыңда андый ут очраса, ашыкма
Тукта һәм башыңны иеп кит.

Батырлар гомере - мәңгелек.
Яши ул халкыбыз күңелендә.
Азатлык яулаган солдатлар
Саклана күңелнең түрендә.

Ирек Билалов.

Казан.