Түбән Әлки авылында мунча һәм сарай янды

Агач мунча һәм аның янәшәсендә салынган абзар санаулы минутларда ут эчендә кала һәм янып көл була. Бәхеткә, ут ишегалдындагы башка корылмаларга һәм өйгә күчми. Шулай ук һәлак булучылар һәм имгәнүчеләр дә юк. Район янгынчыларының вакытында килеп җитүе моңа юл куймый.
Әлки һәм Спас районнарының баш дәүләт инспекторы Рәдис Инсапов сүзләренә караганда, янгын мунча мичен ягу кагыйдәләрен бозу сәбәпле чыккан.