Әлки районы егетләре «Татар егете-2023» бәйгесендә җиңделәр

 Бәйгедә үз районнарында җиңү яулап, финалга чыккан 12 егет көч сынашты.

Базарлы Матак мәктәбенең 11 сыйныф укучысы Булат Вәлиев – "Татар-егете – 2023" конкурсында "Иң шаян егет" һәм "Тамашачы мәхәббәтен яулаган егет" номинацияләрендә җиңүче дип табылды.

Бәйгедә шулай ук Нәби Дәүли исемендәге гимназиянең 11 нче сыйныф укучысы Илсаф Хисамов та барлык сынауларны да уңышлы үтеп, "Иң оста биюче", "Тамашачы мәхәббәте" номинацияләрендә җиңеп чыкты.

Катнашучылар интеллектуаль, кадак кагу, кул көрәшендә ярыштылар. Ирекле формада үзләре катнашында презентация күрсәттеләр, "Милли мәдәниятләр һәм традицияләр елы кысаларында нинди вакыйга оештырырга теләр идем?" дигән темага 30 секундлык чыгыш ясау биремнәре әзерләнгән иде.