Әлки районында авыл хуҗалыгы җайланмалары кышкы саклауга куелды

 
Авыл хуҗалыгы һәм азык-төлек идарәсенең җитештерү бүлеге җитәкчесе Илдар Нигъмәтуллин  сүзләренә караганда, бу һәр елны башкарыла торган, әмма бик тә кирәкле эш. Чөнки киләсе елда уңышның нинди булачагы техниканың төзеклегенә турыдан-туры бәйле. 
Машина-җайланмаларны саклауга кую зур игътибар сорый, чөнки бар таләпләр дә тиешенчә үтәлсә, ул агрегатларның эш вакытын озайтырга, аларның көтелмәгәндә ватылуын булдырмаска ярдәм итеп кенә калмый, ә кыр эшләрен төгәл билгеләнгән чакта үтәргә дә мөмкинлек бирә. 

Тикшерү барышында техниканы саклауга кую, кирәкле документацияне тутыру буенча бар күрсәтмәләрнең үтәлүе дә бәяләнә. 
Белгечләр тарафыннан шул билгеләп үтелгән: безнең район хуҗалыкларында, нигездә, җайланмаларны исәпкә кую тәртипкә кертелгән, авыл хуҗалыгы машиналарын озак вакытка сузылган көзге-кышкы чорда саклау буенча тиешле эш алып барыла.