Әлки раоны: “Строитель и К” оешмасы төзүчеләре объктларда эш башладылар

"Строитель и К" оешмасы коллективы узган 2017 елда 83 миллион сум тирәсе торган төзелеш эшләре башкарган.

Төзүчеләр Сихтермә-Хузангай авылындагы аренда өйләрен төзүдә әйбәт эшләделәр, районның күпбалалы гаиләләренә торак шартларын яхшыртуда булыштылар.

Ел башынннан төзүчеләр кабат эшкә кереште. Оешманың ике бригадасы Татар Борнае авылында мәктәп остаханәсе фундаментына цоколь чыгаруда, тагын ике бригада Иске Матакта 100 урынга исәпләнгән клуб стеналарын өүдә хезмәт куя. Эчке бизәү эшләрен башкаручы бригада Базарлы Матактагы ветеринария даруханәсен төзекләндерүгә кереште.