Әлки районында орлыкчылык белгечләре уҗым культуралары орлыкларына фитоэкспертиза үткәрәләр

Бүген район хуҗалыкларында уҗым бодае һәм арышы орлыкларын агулыйлар.

Бу хакта "Россельхозцентр"ның Әлки районара бүлегенннән хәбәр итәләр. "Хузангай" җәмгыятендә әлеге агрочара ПС-10, ПС-20 агрегатлары белән башкарыла. Ә "ВостокЗернопродукт" орлык заводында өстәмә рәвештә корткычларга каршы һәм үсүгә ярдәм итүче матдәләр белән дә эшкәртәләр. Орлыкларның төрле чирләр белән зарарланмаганмы икәнен билгеләү өчен фитоэкспертиза да үткәрелә. Агу шуңа карап сайлана. Орлыкларда тамыр череге аеруча еш очрый. Зарарлану 20 проценттан кимрәк булганда биологик препаратлар гына кулланыла. Ә калган очракларда химикатлар эшкә җигелә.