Дүрт ат урланган

Полиция хезмәткәрләре әлеге факт буенча җинаять эше кузгаткан, тикшерү алып баралар. Районыбыз авылларыннан атлар урлаучы бер төркем кулга алынган иде инде. Менә берара тынлыктан соң янә ат караклыгы очрагы теркәлде. Атлар төнлә кардада караучысыз калдырылган булган. Аларның эзләре Ульян өлкәсе ягына киткән. Соңгы көннәрдә ат урлау очраклары күрше районнарда да теркәлгән. Полиция хезмәткәрләре әлеге җинаятьләрне бер үк төркем кылган дип фаразлый һәм тикшерү эшләрен берләштереп алып бара.