Балаларны сыйладылар

Эшмәкәр Гөлсинә Дәүлиева приютта тәрбияләнүче балаларны шәхси кафесына чакырып кунак итте.

Кафеда узган атнада татар милли ашлары көне үткәрелде. Татар милли кухнясының төрледән-төрле ризыкларыннан авыз итәргә Яңа Салмандагы "Каенкай" приютында тәрбияләнүче сабыйларны чакырдылар. Балалар мул табын артында туклыклы һәм тәмле аш-су белән сыйландылар. Кунакчыл хуҗалар балаларның күңелен ачарга район мәдәният йорты хезмәткәрләрен дә чакырганнар иде. Алар малайлар-кызлар өчен кызыклы уеннар оештырдылар. Балалар кафеда рәхәтләнеп кунак булдылар, ял иттеләр. Алар өчен бу чын бәйрәм булды.