Трактор да, прицеп та төзек булсын

Республикада «Трактор-Прицеп» дип исемләнгән профилактик операция бара, ул 30 июньгә кадәр дәвам итә.

Районыбызда терлек азыгы хәзерләү буенча кызу эш башланды. Әлеге мөһим хезмәттә башлыча тракторлар эшкә җигелә. Бу чорда файдаланудагы тракторларның һәм аларның прицепларының төзек булуы, хезмәт хәвефсезлеге таләпләренә туры килүе аеруча мөһим. «Трактор-Прицеп» профилактик операциясе барышында моңа бигрәк тә зур игътибар бирелә. Тракторың һәм прицебың төзек булса гына эшкә кереш - бу кагыйдәне һәр механизатор үтәргә тиеш.