Иң күп савым сыеры Әлки районында

Районда 2020 елның 10 гыйнварына 12 мең 135 баш савым сыеры исәпләнә.

Бездән соң күп сыерлар Балтач (11 мең 478 баш), Кукмара (11 мең 413 баш), Арча (10 мең 840 баш), Актаныш (10 мең 258 баш) районнарында асрала.

Иң аз санда сыерлар Бөгелмә (1524), Чирмешән (1742), Менделеевск (1712) районнарында.

Тәүлеклек сөт җитештерү буенча районыбыз республикада җиденче урында. Терлекчеләр көн саен эшкәртүчеләргә 158 тонна сөт озаталар. Бу узган елның шул чоры белән чагыштырганда 7,5 тоннага күбрәк.