Коточкыч хәл: янгында биш бала һәлак була. Өлкәннәр исән…

Аларның икесе биш һәм җиде яшьлек кызлар, өч малайның зурысына өч яшь, кечесенә җиде ай булган. Бу хакта "Российская газета" хәбәр итә. //Татар-информ//

Русия тикшерү комитетының Новосибирск өлкәсе буенча Тикшерү идарәсе "Российская газета"га хәбәр итүенчә, Йорт 3 декабрьдә иртәнге сәгать 7ләр тирәсендә янган. Йортта 32 яшьлек хуҗа, биш баласы һәм өч кунак булган. Кунакларның берсе уянганда өй төтен һәм ут эчендә булган. Хуҗа тәрәзәне ачып, ярдәмгә чакырган.

Өлкәннәр чыга алган, балалар янгында калган. Ярдәмгә килүчеләр өйгә керә алмаган. Җинаять эше саксызлык аркасында үлемгә китерү маддәсе буенча ачылган. Янгын сәбәпләре ачыклана, янгын-техник экспертизасы билгеләнгән.+

http://tatar-today.ru/2017/12/23550/

Фото: ИА «Атмосфера»