Әлки өлкәннәр һәм инвалидлар интернат-йортында өйрәнүләр үткәрелде

Өйрәнүләр Әлки янгын-коткару часте начальнигы Александр Колос һәм интернат-йорт директоры Евгений Васяйчев җитәкчелегендә узды. Өйрәнүләр интернатта яшәүчеләргә янгын сүндерү алымнарын, вазыйфалы затларның янгын сүндерү, кешеләрне коткару чараларын оештыру осталыкларын һәм башка гамәлләрне камилләштерү максаты белән үткәрелде.

Өйрәнүләрнең эчтәлеге мондый иде: беренче каттагы бүлмәдә электр үткәргечтә кыска ялганыш нәтиҗәсендә җиһазлар янып китә, төтен анда яшәүчеләрнең сәламәтлегенә куркыныч тудыра.  Персонал тиз арада кешеләрне бинадан алып чыга, янгынны сүндерүгә керешә. Ә янгын көчәя, палатадан төтен коридорларга чыга... Менә шундый катлаулы һәм куркыныч хәлдә өйрәнүләрдә катнашучылар белеп эш итәләр, үз бурычларын тиешенчә үтиләр. Бу интернат-йортта эшләүчеләргә дә, янгын сүндерүчеләргә дә кагыла. Җитешсезлекләр дә ачыкланган, аларны тиз арада бетерергә кушылган.