Әлки район газетасы сайтында иң матур парга бәйге игълан ителә

8 Март - Халыкара хатын-кызлар көне уңаеннан газета сайтында әнә шундый исемдәге фотобәйге игълан итәбез.

Үзегезнең яисә балаларыгызның, туганнарыгызның туй я никах фотоларын редакция почтасына (alkred1604@mail.ru) я булмаса vk.com/id26831242 адресы буенча Вконтакте челтәренә юллагыз. Әлеге фотолар газета сайтының (alki-rt.ru) "Конкурслар" бүлегендә урнаштырылачак.

Сайтка кереп, үзегезнең күңелгә хуш килгән пар өчен тавыш бирсәгез иде. Бәйгегә дигән фотолар (өчтән артык булмасын) 12 мартка кадәр кабул ителә. 17 мартта бәйге нәтиҗәләре игълан ителәчәк. Фотолар белән бергә кесә телефоныгызның номерын да күрсәтегез.

Иң күп тавыш җыйган парның телефонына 500 сум (икенче урынга - 300, өченче урынга-200 сум) акча салыначак.

Сездән фотолар көтәбез, дуслар!