Яңалыклар
Әлки район ЗАГС бүлегендә бүген язылышкан Вячеслав Ензаев һәм Анастасия Мукусева: “Туган районыбызда яшәячәкбез!”
Район ЗАГС бүлегенең Никахлашу залында бүген Чуаш Борнае егете Вячеслав Ензаев һәм Хузангай кызы Анастасия Мукусева язылыштылар.
Яшьләр икесе дә Хузангай авылында эшлиләр. Вячеслав – “Хузангай” җаваплылыгы чикләнгән җәмгыятендә, Анастасия – урта мәктәптә.
Гаилә корган яшьләрнең нияте – туган районыбызда яшәү һәм эшләү.
Кияү белән кәләшне район ЗАГС бүлеге җитәкчесе Энҗе Хәлиуллина, әти-әниләре, туганнары, дуслары котладылар.
Без дә әлеге тәбрикләүләргә кушылабыз. Гаилә тормышыгыз бәхетле, озын гомерле булсын, Вячеслав һәм Анастасия! Сау-сәламәт булыгыз, күп балалар табып үстерегез.
Следите за самым важным и интересным в Telegram-каналеТатмедиа
Нет комментариев