Әлки районы башлыгы Александр Никошин Татарстан Президенты исеменнән Бөек Ватан сугышында катнашкан ветераннарга бәйрәм бүләкләре өләште

Ул алар белән районда һәм республикада  булган вакыйгалар хакында сөйләште, тормыш шартларын сорашты, үтенечләрен тыңлады. Бәхеткә, ветераннарыбыз янәшәсендә аларны уайгыртып-карап торучы балалары бар. Район башлыгы аларга да рәхмәт әйтте.

Сугышта катнашкан якташларыбыз Александр Федоровичка кайда, ничек сугышулары хакында сөйләделәр. Алар район, республика һәм ил җитәкчеләренә үзләре турында даими кайгырткан өчен рәхмәт әйттеләр. Район башлыгы исә ветераннар янына тагын килергә ышандырды, сорауларын үтәргә вәгъдә бирде. Ул районда яшәүче сугыш ветераннары өчен Җиңү көнендә бәйрәм оештырылачагын да әйтте. Аннары Татарстан Республикасы Президенты исеменнән  ветераннарга бүләкләр тапшырды.